Нұр-Сұлтан мен Алматы өмір сүру деңгейі ең қымбат қалалардың қатарына енді
Опубликовано:
![Алматы Алматы](https://cdn.nur.kz/images/1120x630/da35d9a217bc427d.jpeg)
Numbeo сайты әлемде өмір сүру деңгейі ең қымбат 510 қаланы атады. Тізімде Нұр-Сұлтан мен Алматы қаласы да бар, деп хабарлайды KAZ.NUR.KZ тілшісі.
Сарапшылар әлемдегі ең қымбат қалалардың рейтингін жасауда сол шаһардағы үй жалдау құнын, азық-түлік бағасы мен мейрамханадағы бағаны есепке алған.
Бұл тізімде елорда 466 орында, Алматы 475 орында тұр.
Көш басында Бермуд аралдарының астанасы Гамильтон қаласы тұр. Ал ТОП-10-ды Швейцарияның алты бірдей қаласы мен АҚШ-тың үш қаласы өзара бөліскен.
Одан бөлек тізімде Орта Азия елдерінен Бішкек пен Ташкент бар.
![қымбат қалалар рейтингі қымбат қалалар рейтингі](https://cdn.nur.kz/images/1120/c46d4918d321a5d1.jpeg)
Еске сала кетейік, бұған дейін Алматы шетелдіктер үшін әлемдегі ең арзан қалалардың қатарына кірген еді.
Мақаланың түпнұсқасы: https://kaz.nur.kz/society/1977752-nur-sultan-men-almaty-omir-suru-dengeii-en-qymbat-qalalardyn-qataryna-endi/