Алматыда екі жол қиылысы уақытша жабылады

Алматы қаласының Медеу ауданындағы екі көше қиылысында көлік қозғалысы уақытша шектеледі, деп хабарлайды KAZ.NUR.KZ тілшісі "Алматы жылу желілері" жауапкершілігі шектеулі серіктестігіне сілтеме жасап.

Көлік қозғалысы шектелетін көше қиылыстары:

• 15 шілде күні сағат 22:00-ден 16 шілде таңғы сағат 06:00-ге дейін Достық даңғылы мен Төле би көшелерінің қиылысы;
• 16 шілде күні сағат 22:00-ден 17 шілде таңғы сағат 06:00-ге дейін Бөгенбай батыр және Пушкин көшелерінің қиылысы.

"Уақытша шектеулер мұндағы көлік жүретін жолдың астындағы магистральдық жылу жүйелерін жоспарлы жөндеуге байланысты енгізіліп жатыр", - делінген хабарламада.

"Алматы жылу желілері" жауапкершілігі шектеулі серіктестігі келтірілген қолайсыздық үшін мегаполис тұрғындарынан кешірім сұрады.

Мәтіннен қате тапсаңыз, бізге жазыңыз