Еліміздің бір өңірінде 50 градус ыстық тіркелді (видео)

Бүгін, 18 шілдеде Маңғыстау облысының аумағында 50,2 градус ыстық тіркелді. Бұны жергілікті тұрғын жария етті, деп хабарлайды Lada.kz.

Басылым ұсынған ақпаратқа сәйкес, Жетібай ауылының жұмысшылары термометр бағанын көрсеткен. Кадрдан ауа температурасының 50,2 градусқа жеткенін байқау қиын емес.

Сонымен қатар олар аптап ыстыққа қарамастан жұмыс істегендерін жеткізген.

Видео авторы "Жетібаймұнайгаз", ОЅС, "Ақтаукрантехсервис", West Oil, "Маңғыстаумұнайгаз" және тағы басқа жеке компаниялардың қызметкерлері бүгін және кеше жұмысты тоқтатпағандарын сөз етті.

Rp5 сайтының мәліметінше, бүгін сағат 15:00 және 18:00-де Маңғыстау облысында 44 градус тіркелген.

Мәтіннен қате тапсаңыз, бізге жазыңыз