Синоптиктер болжамы: Алматы мен Нұр-Сұлтанда жаңбыр жауып, найзағай ойнап, жел күшейеді

Бүгін жетінші тамызда Алматы мен Нұр-Сұлтан қаласында жаңбыр жауып, Шымкентте 35 градус ыстық болады деп болжануда. Ауа райы болжамы "Қазгидромет" РМК ресми сайтында жарияланған.

Алматыда бүгін +33...+35 градус ыстық болатынына қарамастан, жаңбыр жауып, күн күркірейді. Желдің жылдамдығы секундына 2 метрден 8 метрге дейін жетіп, найзағай кезінде 12 м/с дейін күшейеді.

Сондай-ақ синоптиктер болжамына сәйкес, Нұр-Сұлтан қаласында жаңбыр жауады, найзағай ойнайды, жел секундына 9-14 метрге дейін күшейеді. Ауа температурасы +26...+28 градусқа дейін көтеріледі.

Шымкентте жауын-шашынсыз ауа райы күтіледі, күн ашық болып, ауа температурасы +33...+35 градусқа жетеді, желдің жылдамдығы секундына 8-13 метр болады.

Бұған дейін синоптиктер тамыз айына арналған ауа райы болжамын ұсынған еді. Мамандардың болжамы бойынша, айдың басында елдің солтүстік жартысындағы салқын ауа райы солтүстіктен келетін суық антициклонның әсерімен байланысты болады.

Мақаланың түпнұсқасы: https://kaz.nur.kz/society/1982081-sinoptikter-bolzamy-almaty-men-nur-sultanda-zanbyr-zauyp-naizagai-oinap-zel-kuseiedi/