Магистратура бойынша мемлекеттік грант иегерлерінің тізімі жарияланды
Опубликовано:
Елімізде 2022-2023 оқу жылына арналған магистратура бойынша білім грантының иегерлері анықталды. Тізім Ғылым және жоғары білім министрлігінің ресми Telegram-каналында жарияланды.
Магистратура бойынша білім гранттары кешенді тестілеу нәтижелері бойынша конкурстық негізде берілген.
Биыл магистратураға 13 мың грант бөлінген. Талапкерлер арасында "Педагогика ғылымдары", "Ақпараттық-коммуникациялық технологиялар" және "Бизнес, менеджмент және құқық" сияқты салалар жоғары сұранысқа ие болған.
Биылғы грант иегерлерінің толық тізімін Ғылым және жоғары білім министрлігінің Telegram каналынан көруге болады.
Мақаланың түпнұсқасы: https://kaz.nur.kz/society/1984480-magistratura-boiynsa-memlekettik-grant-iegerlerinin-tizimi-zariyalandy/
