Шымкентте қала әкімі Ұстаздар күніне орай білім саласына үлес қосқан мұғалімдерді марапаттады

Опубликовано:

Ұстаздар күні
Фото: Шымкент қаласы әкімдігі

Шымкент қалалық Опера және балет театрында "Жарық нұры ғаламның" атты Ұстаздар күні қарсаңында мерекелік кеш өтті. Оған қала әкімі Мұрат Әйтенов қатысып, шәкірт тәрбиелеу жолында талмай еңбек еткен және білім саласына үлесін қосып жүрген мұғалімдерді салтанатты түрде марапаттады.

Ұлағатты ұрпақ тәрбиелеу – аса жауапты әрі күрделі міндет екенін айтқан шаһар басшысы әрбір ұстаз құрмет пен мемлекеттік наградаға лайық екенін жеткізді.

Ұстаздар күні
Фото: Шымкент қаласы әкімдігі

"Сіздер балаларға өмір бойы өздерімен бірге алып жүретін, болашағын және шынайы өмір жолына қажетті баға жетпес байлық - білім бересіздер. Сонымен бірге, қаламыздың абыройын асқақтатып отырсыздар. Сіздердің арқаларыңызда Шымкент қаласының оқушылары халықаралық және республикалық пәндік білім сайыстарынан 10 алтын, 17 күміс, 33 қола жүлдені жеңіп алды. 200-ден астам оқушы жүлделі орындарды иеленді.

Сіздердің тынымсыз еңбектеріңіздің арқасында алда талай елін сүйетін, білімді жас ортаға қосыларына кәміл сенеміз",-деді Мұрат Әйтенов.

Ұстаздар күні
Фото: Шымкент қаласы әкімдігі

Білім беру саласы - қаладағы негізгі жүйе құраушы сала. 871 білім беру ұйымы 440 мыңға жуық тәрбиеленуші, оқушы мен студентті қамтиды. Бұл - әрбір үшінші шымкенттіктің осы жүйеге қатысы бар деген сөз.

Мұрат Әйтенов
Фото: Шымкент қаласы әкімдігі

Қызығы мен шыжығы қатар жүретін ұстаздық жолда өрлеу мен өсу тілеген қала әкімі Мұрат Әйтенов салтанатты жағдайда Білім және ғылым министрлігінің "Еңбек ардагері" медалімен Бейсенбаева Шолпан Асылбекқызын, "Білім беру ісінің құрметті қызметкері" төсбелгісімен №28 жалпы орта білім беретін мектебінің директоры, ағылшын тілі пәні мұғалімі Құрманбекова Қарлығаш Жаркынбекқызын марапаттады.

Мұрат Әйтенов
Фото: Шымкент қаласы әкімдігі

Бірнеше ұстазға Оқу-ағарту министрлігінің "Құрмет Грамотасы" мен алғыс хаттар табысталды. Сонымен қатар әрбір ұстазға шаһар басшысының ықылас гүлі тарту етілді.

Ұстаздар күні
Фото: Шымкент қаласы әкімдігі

Салтанатты шара соңы концерттік бағдарламаға ұласты.

Ұстаздар күні
Фото: Шымкент қаласы әкімдігі

Мақаланың түпнұсқасы: https://kaz.nur.kz/society/1990602-symkentte-qala-akimi-ustazdar-kunine-orai-bilim-salasyna-ules-qosqan-mugalimderdi-marapattady/