Ақтөбеде баласын бейтаныс адамдарға тастап кеткен ана табылды

Опубликовано:

Баласымен сурет салып отырған ана
Баласымен сурет салып отырған ана. Көрнекі фото: pixabay.com

Ақтөбеде кішкентай ұлын бейтаныс адамдарға тастап кеткен ана табылды. Әйел полицияға өзі келіп, мән-жайды айтып берген деп хабарлайды ІІМ ресми Telegram-арнасы.

"Әйелдің айтуынша, ол баланы бейтаныс адамдарға қалдырып, жұмыс орнынан жалақысын алуға кеткен. Жолда танысымен кездесіп, екеуі алкогольдік ішімдік ішкен.

43 жастағы әйелге ҚР ӘҚБтК-нің 127-бабы ("Кәмелетке толмаған адамды тәрбиелеу және (немесе) оның құқықтары мен мүдделерін қорғау жөніндегі міндеттерді орындамау") бойынша хаттама толтырылды", - дейді полиция өкілдері.

Еске салайық, бұған дейін ақтөбелік полицейлер 3-4 жас шамасындағы ұл баланың ата-анасын іздестіріп жатқанын хабарлаған едік.

Мақаланың түпнұсқасы: https://kaz.nur.kz/society/1995822-aqtobede-balasyn-beitanys-adamdarga-tastap-ketken-ana-tabyldy/