Бейсенбіде еліміздің үш ірі қаласында ауа райы қандай болады

Қазгидромет РМК бейсенбі, 24 қарашаға арналған ауа райы болжамын ұсынды.

Синоптиктердің болжамы бойынша, бүгін Алматыда термометр бағанасы +9...+11 градусқа дейін көтеріледі. Мегаполисте жауын-шашын күтілмейді, желдің жылдамдығы секундына 2 метрден 7 метрге дейін жетеді.

Астанада бүгін ауа температурасы -7...-9 градусқа дейін төмендейді. Мамандардың болжамынша, елордада қар жауады және жел 9-14 м/с дейін күшейеді деп күтілуде.

Синоптиктер Шымкентте күн жылы болады деп болжайды. Қалада термометр бағанасы +17...+19 градус жылылықты көрсетеді. Мегаполисте жаңбыр жауады, желдің жылдамдығы 5-10 м/с болады деп күтілуде.