Қарағандыда екі автобустың соқтығысуы салдарынан 18 адам зардап шекті

Қарағандыда екі автобустың соқтығысуы салдарынан 18 адам зардап шекті. Олардың төртеуі ауыр халде. Бұл туралы Мақажанов атындағы көпсалалы аурухананың травматология бөлімінің меңгерушісі Берік Төлеубаев мәлімдеді, деп хабарлайды KAZ.NUR.KZ.

"Қазіргі уақытта 18 зардап шегуші медициналық көмекке жүгінді. Олардың төртеуі ауыр халде. Ауыр науқастар ауруханаларға бөлінді. Гемодинамикасы тұрақты екеуі Оңтүстік-шығыс базасына, екі аса ауыр жағдайдағы зардап шегуші осында қалды", - деді Берік Төлеубаев.

Ол сондай-ақ хирургтар шокқа қарсы және реанимациялық шараларды бастағанын мәлім етті.

Ол үшін тәжірибелі мамандардан құралған команда жиналған. Штаб құрамына Медициналық хирургия университетінің қызметкерлері енген, сонымен қатар жақ-бет хирургы, офтальмолог, нейрохирург және абдоминальды хирург тартылған.

Еске сала кетейік, бұған дейін Қарағанды қаласына кіреберістегі көпір үстінде екі автобус соқтығысып, жүргізушінің бірі оқиға орнында көз жұмғанын хабарлаған болатынбыз.