"Қар, жаңбыр, көктайғақ": алдағы үш күнде ел аумағында ауа райы қандай болады

"Қазгидромет" РМК 29-31 желтоқсанға арналған ауа райы болжамын ұсынды, деп хабарлайды KAZ.NUR.KZ.

Синоптиктердің болжамынша, алдағы үш тәулікте Қазақстанның басым бөлігінде атмосфералық фронтальды бөліктердің әсерінен ауа райы тұрақсыз болады.

Еліміздің кей өңірлерінде қар жауады, оңтүстікте және оңтүстік-батыста жауын-шашын (жаңбыр, қар), бұрқасын, көктайғақ күтіледі.

Дегенмен, температуралық фонда күрт өзгерістер күтілмейді, дейді метеорологтар.

Айта кетейік, бұған дейін Қытайдың Чжэнчжоу қаласында қалың тұман салдарынан 200-ден аса көлік соқтығысып, кемінде бір адамның қаза болғанын хабарлаған едік.