2023 жылдың қаңтар айында елде ауа райы қандай болады

Қазгидромет мамандары 2023 жылдың қаңтар айына ауа райы болжамын жасады, деп хабарлайды KAZ.NUR.KZ.

Мамандарлың мәліметінше, қаңтардың бірінші онкүндігінде Қазақстанда қарқынды Атлантикалық және Оңтүстік циклондардың әсерімен тұрақсыз ауа райы күтіледі. Республиканың солтүстік жартысында қарқынды қар жауып, бұрқасын болжанады, оңтүстік жартысында жауын-шашын, оңтүстік және шығыс аудандарында қатты жауын-шашын жауы мүмкін.

Республиканың оңтүстік-батыс жартысында тұман және көктайғақ болуы ықтимал. Елдің басым бөлігінде желдің күші 15-20 м/с, екпіні 23-28 м/с дейін күтіледі.

Республиканың басым бөлігінде ауа температурасы түнде -15-25°С-тан -3-12°С-қа дейін, күндіз -7-15°С-тан 0,-8°С-қа дейін болса, еліміздің оңтүстігінде және оңтүстік-шығысында түнде -5-15°С-тан -5+2°С-қа дейін, күндіз 0,-8°С-тан +1+8°С-қа дейін ауытқиды деп болжануда.

Еліміздің батыс аудандарында ауа температурасы түнде -5+5°С-тан -15-25°С-қа дейін, күндіз -3+8°С-тан -10-20°С-қа дейін біртіндеп төмендеуі күтіледі. Бірінші онкүндіктің соңында Қазақстанның басым бөлігінде ауа температурасы түнде -20-30°С-қа, күндіз -10-18°С-қа дейін, республикамыздың оңтүстік-батыс, оңтүстік және оңтүстік-шығысында түнде -10-20°С-қа, күндіз -5-15°С-қа дейін төмендеуі болжанады.

Консультативті болжамға сәйкес, 2023 жылдың қаңтар айының екінші және үшінші онкүндігінде Қазақстанның басым аумақтарында ауа райы жиі өзгереді, аязды күндер жылы күндермен ауысып, қарлы боран, бұрқасын және екпінді жел күтіледі.

Еліміздің солтүстік жартысында күндіз -5+2°С-қа, оңтүстік жартысында және оңтүстік-батысында күндіз +2+12°С-қа дейін жоғарылайды.

Ал солтүстік-батыста ауа температурасы республикамыздың солтүстік жартысында және орталығында түнде -25-35°С-қа, күндіз -15-25°С-қа дейін, оңтүстік жартысында және оңтүстік-батысында түнде -12-22°С-қа, күндіз -3-15°С-қа дейін төмендейді.

Синоптиктер ауа райы жағдайдың өзгеруіне қарай түзетіліп, онкүндік пен 2-3 күндік ауа райы болжамымен нақтыланатынын еске салды.