Қазақстанның үш ірі қаласында күн жылынады деп күтілуде

Синоптиктер сенбі, 14 қаңтар күні Қазақстанның ірі қалаларында ауа райы қандай болатынын хабарлады. Сондай-қ, жұмамен салыстырғанда аздап күн жылынатыны белгілі болды. Ақпарат "Қазгидрометтің" ресми сайтында жарияланған.

14 қаңтар күні Астанада қар жаууы мүмкін. Ауа температурасы күндіз -12...-14 градус шамасында болса, бір күн бұрын -15...-17 градус болатын. Желдің жылдамдығы секундына 9-14 метр.

Мамандар сенбі күні Алматыда көшпелі бұлт шығатынын айтады, жауын-шашын күтілмейді. Күндізгі ауа температурасы -11...-13 градус шамасында болса, 13 қаңтар күні -13...-15 градус болатын. Желдің жылдамдығы секундына 0-5 метр.

Шымкентте синоптиктер жауын-шашынсыз күн ашық болады деп отыр. Күндіз ауа температурасы -8...-10 градус шамасында болады деп күтілсе, жұма күні -10...-12 градусты көрсеткен болатын. Желдің жылдамдығы секундына 3-8 метр.

Еске салайық, бұған дейін Қазақстанның бірнеше облысында аяздың беті қайтатыны хабарланған болатын.