Түркістан облысында аңшылыққа кетіп, жоғалған тұрғынды жүздеген адам іздестіруде (видео)

Түркістан облысында ер адам аңшылыққа кетіп, қайта оралмаған. Қазір оны полицейлер мен құрқатушылар іздестіріп жатыр, деп хабарлайды ІІМ-нің Polisia.kz ресми Телеграм-каналы.

Ішкі істер министрлігінің мәліметінше, 24 ақпан күні Бәйдібек аудандық полиция басқармасына Жүзімдік ауылынан 25 километрде орналасқан Арыс өзенінің бойында жергілікті тұрғынның жоғалғаны туралы хабарлама келіп түскен.

"Іздеу жұмыстарына 100-ге тарта адам жұмылдырылды. Оның ішінде полиция, сүңгуірлер, төтенше жағдай қызметкерлері, еріктілер, ауыл тұрғындары мен жоғалған адамның туыстары да бар", - дейді ІІМ өкілдері.

Оған қоса дрон аппаратының көмегімен 40 километрдей жерге шолу жұмыстары жүргізіліп жатыр.

"Су қоймасындағы суды азайту мақсатында арнайы техникалар жұмылдырылып, қосымша арналар қазылып жатыр"- дейді полицейлер.

Аталған жайт бойынша полиция "Адам жоғалу" дерегімен қылмыстық істі тіркеді.

Мәтіннен қате тапсаңыз, бізге жазыңыз