Қазақстанда бас жуатын сусабындар бірден 42 пайызға қымбаттап кетті

Қазақстанда шаш күтіміне арналған өнімдер 41,7 пайызға қымбаттап кеткен. Бұл туралы Ұлттық статистика бюросына сілтеме жасаған KAZ.NUR.KZ хабарлайды.

"Сусабындар бір жылда 41,7%-ға қымбаттады, сонымен бірге мұндағы өндірістің азайғаны да байқалды. Шаш күтімі өнімдерін, атап айтқанда, сусабындар, шашқа арналған лактар және шашты бұйралауға немесе сәндеуге арналған өнімдер өндірісі 10,3%-ға төмендеді. Осылайша 2022 жылдың 12 айында 606 тоннадан астам өнім өндірілген.

Өз кезегінде импорт 18,1%-ға өсті. Сырттан 24,3 мың тонна шампунь мен шашқа арналған лак әкелінді. Импорт өнімдерінің үлесі 97,6 пайызды құрады.

12 айдың қорытындысы бойынша ішкі нарықта жоғарыда аталған өнімдердің 24,1 мың тоннасы сатылған", - делінген бюро хабарламасында.

Мәтіннен қате тапсаңыз, бізге жазыңыз