Арасында егіз сәбилер де бар: сайлау күні елімізде қанша нәресте дүниеге келді
Жарияланған күні:
19 наурызда парламент мәжілісі мен мәслихаттар депутаттығына сайлау күні елімізде 609 кішкентай қазақстандық дүниеге келді, деп хабарлайды Денсаулық сақтау министрлігі Telegam-дағы ресми арнасында.
Ведомство мәліметінше, 609 сәбидің ішінде: 312 ұл, 297 қыз, бір егіз жарық дүние есігін ашқан.
"Мемлекеттің одан әрі дамуы үшін осындай тағдырлы және маңызды күнде дүниеге келген сәбилерге жарқын болашақ пен зор денсаулық тілейміз!"- делінген хабарламада.
Сонымен қатар сайлау күні республиканың стационарларында емделіп жатқан пациенттер үшін емдеуге жатқызу орны бойынша дауыс беру үшін жағдайлар ұйымдастырылған.
Мақаланың түпнұсқасы: https://kaz.nur.kz/society/2013541-arasynda-egiz-sabiler-de-bar-sailau-kuni-elimizde-qansa-nareste-duniege-keldi/
