Еліміздің бірнеше облысында ауа райына байланысты ескерту жарияланды

Бүгін еліміздің бірнеше өңірінде ауа райына байланысты дауылды ескерту жарияланды, деп хабарлайды KAZ.NUR.KZ.

"Қазгидромет" мәліметінше, Астана қаласында түнде және таңертең қалың тұман болады.

Қарағанды облысын түнде және таңертең тұман басады.

Солтүстік Қазақстан облысының оңтүстігінде тұман күтіледі. Оңтүстік-батыстан жел соғады, облыстың солтүстігінде, батысында және оңтүстігінде жел екпіні 15-20 м/с. Ауа температурасы күндіз 4-9 градус жылы болады.

Маңғыстау облысының батысында тұман түседі деп болжануда.

Мәтіннен қате тапсаңыз, бізге жазыңыз