Бүгін еліміздің мегаполистерінің бірінде 25 градусқа дейін ыстық күтіледі

Бүгін, 12 сәуірде метеорологтар Қазақстанның үш ірі қаласында да ауа райы жауын-шашынсыз болады деп болжады. Бұл туралы "Қазгидромет" РМК ресми сайтында жарияланды.

Синоптиктердің болжамынша, бүгін Астанада жаңбыр жаумайды, алайда көшпелі бұлт шығады. Күндіз термометр +11...+13 градусты көрсетсе, түнде 0...-2 градусқа дейін төмендейді. Желдің жылдамдығы 7-12 м/с дейін жетеді деп күтілуде.

12 сәуір Алматыда да жауын-шашынсыз ауа райы болғанмен, найзағай ойнау ықтималдығы сақталады. Ауа температурасы күндіз +15...+17 градусқа дейін көтерілсе, түнде +6...+8 градусқа дейін төмендейді деп күтілуде. Желдің жылдамдығы 3-8 м/с жетеді, алайда найзағай кезінде екпіні 15 м/с жетуі мүмкін.

Сәрсенбі Шымкентте күн ашық болады, күндіз ауа температурасы +23...+25 градус ыстық болады деп болжануда. Мегаполисте түнде +8…+10 градусқа дейін жылылық сезіледі. Желдің жылдамдығы 5-10 м/с дейін жетуі ықтимал.

Мәтіннен қате тапсаңыз, бізге жазыңыз