Түркістан облысында денесі суару каналынан табылған қыздың өліміне күдікті ұсталды

Түркістан облысының полицейлері 9 сәуірде Ордабасы ауданындағы суару каналынан мәйіті табылған қызды өлтірді деген күдіктіні анықтады, деп хабарлайды Қазақстан Республикасы ішкі істер министрлігі жаңалықтары Telegram арнасында.

Ішкі істер министрлігінің мәліметінше, күдікті - мектеп оқушысы. Ол полиция бөліміне жеткізіліп, қамауға алынған.

Қазіргі таңда қылмыстық кодекстің 99-бабының екінші бөлімі бойынша сотқа дейінгі тергеу жүргізілуде.

Министрліктің мәліметінше, сот-медициналық сараптама тағайындалған.

Сонымен қатар министрлік тергеу ісі Түркістан облысы полиция департаменті басшылығының жеке бақылауында екенін мәлім етті.

Мәтіннен қате тапсаңыз, бізге жазыңыз