Top.Mail.Ru

Сайт нұсқасы

ru kz

Зектілері

Тоқаев еліміздің православ христиандарын Пасха мерекесімен құттықтады

Опубликовано:

Қасым-Жомарт Тоқаев
Қасым-Жомарт Тоқаев. Фото: t.me/aqorda_resmi

Мемлекет басшысы Қасым-Жомарт Тоқаевтың Қазақстанның православ христиандарын Пасха мерекесімен құттықтады, деп хабарлайды Ақорда ресми сайтында.

"Құрметті отандастар!

Еліміздің православ христиандарын Пасха мерекесімен құттықтаймын!

Бұл – мейірімділікті, бейбітшілікті, әділдікті дәріптеп, жұртшылықты қайырымдылық жасауға, жақындарына жанашыр болуға шақыратын мейрам.

Мемлекет пен қоғамның тұрақты дамуына негіз болып отырған гуманизм, діни төзімділік және тілеулестік сияқты құндылықтарды орнықтыруға Православ қауымы зор үлес қосып келеді.

Қазақстанда заң үстемдігін орнықтыру, азаматтарға тең мүмкіндіктер ұсыну және олардың құқықтары мен бостандықтарын қорғау үшін ауқымды өзгерістер жалғаса береді.

Біз жалпыұлттық бірлікті нығайтып, баға жетпес байлығымыз – этностар мәдениетінің және діни салт-дәстүрдің әралуандығын сақтаймыз.   

Пасха мерекесі әр шаңыраққа шаттық пен қуаныш әкелсін!

Баршаңызға зор денсаулық, бақ-береке және толағай табыс тілеймін!", - дейді президент.

Мақаланың түпнұсқасы: https://kaz.nur.kz/society/2016872-toqaev-elimizdin-pravoslav-xristiandaryn-pasxa-merekesimen-quttyqtady/