"Бізге қайта қыс келді": Астана көктемнің ортасында ақ ұлпа қарға оранды (фото)

Елордасы – Астанада көктемнің ортасында қар жауды. Синоптиктердің болжамынша, қалада қысқы ауа райы дүйсенбіге дейін жалғасады, деп хабарлайды KAZ. NUR.KZ.

"Бізге қайта қыс келді", - дейді елорда тұрғындары.

"Қазгидрометтің" ресми сайтында хабарлауынша, бүгін негізінен Астанада қар жауады деп күтілген. Одан бөлек, синоптиктер күндіз желдің жылдамдығы 15-20 м/с-қа, түнде екпіні 23 м/с-қа дейін жетуі мүмкін екенін ескерткен еді.

Метеорологтардың мәліметінше, ертең, 16 сәуірде де елордада қар түріндегі жауын-шашын күтіледі. Күндіз ауа температурасы -4...-6 градус аралығында болса, түнде -8... -10 градусқа дейін төмендейді. Желдің жылдамдығы 9-14 м/с-қа, екпіні 15-20 м/с-қа дейін жетуі мүмкін.

Мамандардың айтуынша, дүйсенбіде жауын-шашын тоқтауы керек.

Айта кетесек, бұған дейін Астана полициясы ауа райының нашарлауына байланысты қала тұрғындары мен көлік жүргізушілеріне үндеу жасаған еді.

Мәтіннен қате тапсаңыз, бізге жазыңыз