Ауа райының нашарлауына байланысты Астана полициясы тұрғындарға ескерту жариялады

Астанада ауа температурасының күрт төмендеп, жаңбыр түріндегі жауын-шашын мен оның қарға ұласуы, көктайғақтың пайда болуы күтілуде. Осыған орай елорда полициясы тұрғындарды сақ болуға шақырды, деп хабарлайды Қазақстан Республикасы ішкі істер министрлігі жаңалықтары Telegram арнасында.

Ішкі істер министрлігі осыған байланысты жүргізушілерден аса сақ болуды, белгіленген жылдамдықты қатаң сақтауды, кенет тежеуге бармауды, қашықтық пен бүйірлік қашықтықты сақтауды, жол белгілерінің талаптарын сақтауды сұрады.

"Ауа райының күрделі жағдайын ескере отырып, қала сыртындағы ұзақ сапарлардан бас тартуды ұсынамыз. Мүмкін болса, балама көлік түрін пайдаланыңыз.

Жүргізушілер ғана емес, жаяу жүргіншілер де ерекше сақ болуы керек. Өз қауіпсіздігіңіз үшін көшелерді белгіленген орыннан кесіп өтуге кеңес береміз. Жолда жүру кезінде жеке қауіпсіздікті қамтамасыз ету үшін қосымша шараларды қабылдау шарасын жасаңыз", - деп жазды ішкі істер министрлігі.