Боран, жаңбыр, қатты жел: бүгін еліміздің мегаполистерінде ауа райы қандай болады

Синоптиктер дүйсенбі, 17 сәуірде Қазақстанның ірі қалалары - Алматы, Астана, Шымкентте ауа райы қандай болатынын болжады, деп хабарлайды KAZ.NUR.KZ "Қазгидромет" РМК-ның ресми сайтына сілтеме жасап.

Метеорологтардың мәліметінше, бүгін Алматыда жаңбыр жауады деп күтілуде. Күндіз термометр бағаны +11...+13 градусты көрсетсе, түнде ауа температурасы плюс +2...+4 градусқа дейін төмендейді.

Сондай-ақ қатты желге (екпіні 15-20 м/с-қа дейін жетуі мүмкін) байланысты оңтүстік астанада дауылдық ескерту жарияланды.

Дүйсенбіде Астанада да дауылдық ескерту жарияланып отыр. Елордада боран, сонымен қатар екпіні 15-20 м/с-қа дейін жететін қатты жел күтіледі. Күндіз ауа температурасы 0-ден +2 градусқа дейін көтерілсе, түнде -13...-15 градусқа дейін суытады.

Синоптиктердің болжамынша, бүгін Шымкентте жауын-шашынсыз ауа райы сақталады. Мегаполисте күндіз +10...+12 градус жылы, түнде 2 градусқа дейін суық болады деп күтілуде. Бұдан бөлек, үшінші мегаполисте жел күшейіп, жылдамдығы 15-20 м/с-қа, екпіні 25 м/с-қа дейін жетуі мүмкін.