Қостанай облысының полицейлері 15 жастағы жасөспірімді іздестіріп жатыр

Қостанай облысының полицейлері мектеп-интернаттан шығып кеткен 15 жасар жасөспірімді іздеуде, деп хабарлайды ІІМ жаңалықтарының Telegram-арнасы.

Қостанай облысының Полиция департаменті облыста жексенбі, 16 сәуір күні Боровской мектеп-интернатынан шығып кеткен 15 жастағы жасөспірім Рустам Ташмағамбетовты іздестіру жүргізіліп жатқанын хабарлады. Кәмелетке толмаған бала Әулиекөл ауданының тумасы.

"Қазіргі уақытта полиция қызметкерлері облыс орталығында және аудандарда іздестіру іс-шараларын жүргізіп жатыр. Полицияның барлық құрамы жұмылдырылған, іздеуге еріктілер қосылған.

Жасөспірімнің орналасқан жері туралы ақпараты бар кез келген адамға 102 телефоны арқылы хабарлауды сұраймыз", – делінген хабарламада.