Алматы қорығын мекендейтін маралдар видеотұзаққа түсіп қалды (видео)

Алматы мемлекеттік табиғи қорығын мекендейтін маралдар видеотұзаққа түсіп қалды, деп хабарлайды Орман шаруашылығы және жануарлар дүниесі комитетінің ресми Instagram парақшасы.

Маралдар Алматы қорығының Оң Талғар, Сол Талғар, Орта Талғар, Манах, Логунова, Кіші бұлақ, Қарбастау шатқалдарында орнатылған фототұзақтарға түсіп қалған.

Сондай-ақ олар 3400 метр биіктікте, "Сақтар жазығына" қойылған фототұзақтың алдынан да өткен.

"Байқағандарыңыздай, бұл тұяқтылар күндізгіге қарағанда кешке, түнде және таңсәріде белсенді", – дейді комитет мамандары.

Мамандар жүргізген санақ бойынша Алматы қорығы аумағында 75 марал мекен ететін көрінеді.

Мәтіннен қате тапсаңыз, бізге жазыңыз