Атырауда екі апта бұрын жоғалған 16 жастағы қыз іздестіріліп жатыр

Атырауда екі аптадан бері жоғалып кеткен 16 жасар қызды іздестіру жұмыстары жалғасып жатыр. Құтқарушылар барлық су қоймасын тексеруде, деп хабарлайды өңірлік Төтенше жағдайлар департаментінің баспасөз қызметіне сілтеме жасаған KAZ.NUR.KZ.

Ведомствоның мәліметінше, 2007 жылы туған қыз ата-анасына ескертусіз 6 сәуірде белгісіз бағытқа үйінен шығып кеткен. Содан бері жоғалған қыз туралы ештеңе белгілі емес.

Жоғалған жасөспірім туралы хабарлама Төтенше жағдайлар департаментіне 7 сәуірде келіп түскен, сол сәттен бастап құтқарушылар іздестіру жұмыстарын бастаған.

"Жұмысқа жедел-құтқару жасағының кинологиялық бригадасы жұмылдырылды. Құтқарушылар, туыстары, еріктілер, сондай-ақ жергілікті тұрғындар іздестіру аймағында орналасқан Жайық өзенінің жағасындағы аумақты тексерді", - деді ведомстводан.

Іздеу барысында сүңгуірлер өзен арнасының 730 шаршы метрден астам аумақты қарап шыққан. Алайда өзен деңгейінің көтерілуіне, ағыс пен жел жылдамдығының артуына байланысты сүңгуірмен іздеу жұмыстарын тоқтатуға тура келді.

"Іздестіру жұмыстары су астында бөгде заттардың көп болуымен, ондағы заттарды көру қиындық тудыруда. Жер бетінде іздеу жұмыстары жалғасады", - деді ТЖД өкілдері.