"Қорғас" бекеті жұмысын қашан жалғастыратыны белгілі болды

"Қорғас" ШЫХО өз қызметін үш жылдан астам уақыт бұрын тоқтатқан еді. Енді 24 сәуірден бастап халықаралық орталық өз жұмысын қайта жалғастырады, деп хабарлайды KAZ.NUR.KZ "Қорғас" ШЫХО-ның Instagram-дағы ресми парақшасына сілтеме жасап.

Хабарламада "Қорғас" ШЫХО әлемдегі эпидемиологиялық жағдайға байланысты жұмысын тоқтатқанына 3 жылдан астам уақыт өткені жазылған.

Осы уақыт аралығында компания орталықта туристердің жайлы уақыт өткізуі үшін қызметті жетілдіру және барлық бизнес-процестерді жаңғырту бойынша орасан зор жұмыстар атқарғанын атап өтті.

"Қорғас" ШЫХО 2023 жылдың 24 сәуірінен бастап қызметін қайта бастайтынын және қалыпты режимде жұмыс істейтінін хабарлаймыз", - делінген хабарламада.

Қазақстан мен Қытай шекарасындағы "Қорғас" халықаралық орталығы 8 қаңтардан бастап жұмысын қайта бастайды деп бұрын жоспарланған болатын. Алайда орталықтың жұмыс істеу уақыты белгісіз мерзімге кейінге шегерілген еді.

Мәтіннен қате тапсаңыз, бізге жазыңыз