Алматы облысында мал жайып жүрген тұрғын әлсіреп қалған қар барысын тауып алған (фото, видео)

Алматы облысында мал жайып жүрген тұрғын әлсіреп қалған қар барысын тауып алған. Қызыл кітапқа енген жануар Алматы хайуанаттар бағына жеткізілді, деп хабарлайды Орман шаруашылығы және жануарлар дүниесі комитеті Instagram-дағы ресми парақшасында.

Комитеттің мәліметінше, 19 сәуір күні Алматы облысы Райымбек аудандық полиция басқармасының кезекші бөліміне Сарыбастау кентінің тұрғынынан хабарлама келіп түскен.

Хабарламада тұрғын мал жайып жүріп әлсіреген қар барысын (артқы аяқтарының қозғалыс функциялары бұзылған) кезіктіргенін айтқан.

Оқиға орнына "Охотзоопром" ӨБ" РМҚК инспекторлары, Нарынқол орман шаруашылығы, Райымбек ауданы полиция бөлімі қызметкерлері, табиғат қорғау полициясы барып, акт толтырған.

20 сәуір күні Қызыл кітапқа енген жануар Алматы хайуанаттар бағына жеткізілген.

Посмотреть эту публикацию в Instagram

Публикация от Instagram

Айта кетейік, бұған дейін Жетісу Алатауының тауларында қар барысы пен арқар камераға түсіп қалған еді.

Мәтіннен қате тапсаңыз, бізге жазыңыз