Қазақстандықтар мамыр айында қанша күн демалады

Қазақстандықтар мамыр айында мемлекеттік мерекелердің құрметіне үш күн қосымша демалыс алады. Ел тұрғындарының қай күні демалатыны "электрондық үкіметтің" ресми сайтында жарияланған.

Мамыр айында Қазақстанда бірден үш мемлекеттік мереке тойланады:

Қазақстан халқының бірлігі мерекесі - 1 мамыр;

Отан қорғаушылар күні - 7 мамыр;

Жеңіс күні - 9 мамыр.

Мерекелердің ресми күнтізбесіне сәйкес ел тұрғындары мамырдың басында үш күн, яғни 29 сәуір сенбіден бастап, 2 мамыр сейсенбіге дейін демалады.

Одан кейін ел тұрғындарын тағы төрткүндік демалыс күтіп тұр. Бұл жолы қазақстандықтар сенбіге түсіп тұрған 6 мамырдан бастап 10 мамыр - сәрсенбіге дейін демалады.

Биыл Отан қорғаушылар күні жексенбіге сәйкес келген соң демалыс күні 8 мамыр, дүйсенбіге ауыстырылады.