Белсенді сот ғимараты маңында жерде жатқан Қазақстан елтаңбасының видеосын жариялады

Талдықорғандық белсенді облыстық сот ғимараты маңында жерде жатқан Қазақстан Республикасының елтаңбасын видеоға түсіріп алған. Болған жайтқа өңірлік прокуратура пікір білдірді, деп жазады KAZ.NUR.KZ тілшісі.

Талдықорғандық беленді Сандуғаш Дүйсенова өзінің Instagram парақшасында Жетісу облыстық сотының ғимараты маңында түсірілген видеоны жариялаған. Кадрлардан жерде жатқан Қазақстан Республикасының елтаңбасын көруге болады.

"Қазақстанның елтаңбасы аяқтың астында жатыр", - деп жазды Дүйсенова.

Жетісу облысының прокуратурасы жазбаға қатысты пікір білдірді.

"Жазбада көрсетілген факті тексеріп, құзыреті аясында шара қолдану үшін Жетісу облысының әкімдігі мен полиция департаментіне жолданды", - делінген жазба астындағы хабарламада.