Бүгін Қазақстанның ірі қалаларында күн 26 градусқа дейін ысып, күшті жел соғады деп күтіледі

Синоптиктер бүгін, 3 мамырда Алматы, Астана және Шымкентте қандай ауа райы күтілетінін айтты. Ауа райы болжамы "Қазгидромет" РМК ресми сайтында жарияланған.

Сәрсенбіде Алматыда жауын-шашын күтілмейді, күн сәл салқындайды – күндіз термометрлер +12...+14 градусты көрсетеді. Желдің жылдамдығы 0-5 м/с жетеді.

Астанада да күн жауын-шашынсыз өтеді. Күндізгі температура +12...+14 градусты көрсетеді. Елордада желдің жылдамдығы 3-8 м/с жетуі мүмкін.

Шымкентте бүгін күн ашық. Қалада күн жылы – ауа температурасы күндіз +24...+26 градусқа дейін көтеріледі. Қала тұрғындарына желдің күшейетіні жайлы ескертілді. Яғни желдің жылдамдығы 8-13 м/с деңгейінде болады, күндіз 15-20 м/с дейін күшейеді, кей жерлерде екпіні 23 м/с жетеді деп болжануда.

Мәтіннен қате тапсаңыз, бізге жазыңыз