"Шошытпаңдар": желіде Түлкібасқа келін боп түскен кореялық қыздың беташар рәсімінен видео таралды

Әлеуметтік желіде Түркістан облысының Түлкібас ауданына түскен кореялық келіннің беташар рәсімінен видеолар тарады, деп хабарлайды KYN порталы.

Желіде таралған мәліметтерге сәйкес, түлкібастық жігіт Оңтүстік Кореяда жұмыс істеп, сол жақта кореялық қызбен көңіл қосқан.

Екі жас үйлену туралы шешім қабылдап, қазақ дәстүріне сай шетелдік келіннің беташары өткен.

Видеодан кореялық келіннің бұл дәстүрді түсінбей, айналаға үрке қарап тұрғанын байқауға болады.

Беташарға келгендердің бірі бейтаныс дәстүрді түсінбей тұрған келінді қызықтаған халыққа: "Шошытпаңдар",- деп ескерту жасаған.

Одан бөлек, ауыл тұрғындары кореялық келінді қызықтап, оған орамал тағып, әжелерімен таныстырған.

Мақаланың түпнұсқасы: https://kaz.nur.kz/society/2019642-sosytpandar-zelide-tulkibasqa-kelin-bop-tusken-koreyalyq-qyzdyn-betasar-rasiminen-video-taraldy/