Top.Mail.Ru

Сайт нұсқасы

ru kz

Зектілері

"Атамекен" ҰКП-ның бұрынғы басшысы Абылай Мырзахметов пара алды деген күдікке ілінді

Опубликовано:

"Атамекен" ҰКП экс-басшысы Абылай Мырзахметов
"Атамекен" ҰКП экс-басшысы Абылай Мырзахметов. Фото: atameken.kz

Антикор "Атамекен" Ұлттық кәсіпкерлер палатасының бұрынғы төрағасы Абылай Мырзахметовке қатысты сотқа дейінгі тергеп-тексеруді бастады, деп хабарлайды ведомствоның баспасөз қызметіне сілтеме жасаған KAZ.NUR.KZ.

"Сотқа дейінгі тергеу басталғанын растаймыз.

Тергеу шаралары жалғасуда. Ал қылмыстық іс жүргізу кодексінің 201 бабына сәйкес басқа ақпарат берілмейді", - делінген Антикордың баспасөз қызметінде.

"Параграф" ақпаратты іздеу жүйесі сайтының хабарлауынша, Абылай Мырзахметов 1969 жылы 1 қаңтарда Шымкент облысында дүниеге келген.

2001-2002 жылдары Қазақстан Республикасының Көлік және коммуникация министрі қызметін атқарған.

2002 жылдың наурыз айында қылмыстық істі тергеу мерзіміне байланысты қызметінен босатылып, сол жылдың маусым айында Қазақстан Республикасы Ішкі істер министрлігінің тергеу басқармасымен қамауға алынды.

2003 жылы мамырда Мырзахметов мемлекет мүлкін жымқыруды ұйымдастырды деген айыппен мүлкі тәркіленіп, бес жылға шартты түрде бас бостандығынан айырылды.

2002-2004 жылдары Dala Group жабық акционерлік қоғамының бас директорының кеңесшісі болды.

2005 жылы Қазақстан Республикасы Сауда-өнеркәсіп палатасы одағының президенті қызметін атқарды.

2005-2007 жылдары - Сауда-өнеркәсіп палатасының президенті, Қазақстан Республикасы Сауда-өнеркәсіп палатасы президиумының төрағасы. 2011-2013 жылдары - "Атамекен" Одағы" Ұлттық экономикалық палатасының басқарма төрағасы.

2013-2022 жылдары - "Атамекен" ҰКП басқарма төрағасы.

Өткен жылдың ақпан айында Абылай Мырзахметов "Атамекен" ҰКП басқарма басшысы қызметінен кеткен болатын.

Мақаланың түпнұсқасы: https://kaz.nur.kz/society/2020025-antikor-atameken-ukp-nyn-buryngy-bassysy-abylai-myrzaxmetovke-qatysty-tergeu-bastady/

pixel