Top.Mail.Ru

Сайт нұсқасы

ru kz

Зектілері

Шығыс Қазақстан облысында шамамен 2 миллион теңгеге швабра сатып алмақ болған

Опубликовано:

Еден сүрткіш
Еден сүрткіш. Көрнекі сурет: pixabay.com

Шығыс Қазақстан облысында шамамен 2 миллион теңгеге еден сүрткіш пен 1,2 миллион теңгеге матрас сатып алмақ болған. Бұл туралы сыбайлас жемқорлыққа қарсы іс-қимыл агенттігінің облыстық департаменті хабарлады.

Ведомтсво хабарлауынша, ШҚО бойынша Антикор жүргізген сараптаманың нәтижесінде "Семей медицина университеті" КЕАҚ Өскемен филиалы тұрмыстық заттарды жоғары бағамен сатып алмақ болғаны анықталған.

"Білім беру мекемесі 1,9 миллион теңгеге бір еден сүрткіш (швабра) және 1,2 миллион теңгеге 1 матрас жиынтығын сатып алуды жоспарлаған, алайда еден сүрткіштің орташа нарықтық құны 25 мың теңге, ал матрастың бір жиынтығының бағасы шамамен 30-130 мың теңгегені құрайды", - делінген баспасөз қызметінде.

Антикордың жазуынша, мемлекеттік сатып алу жоспарларына түзетулер енгізіліп, шамамен 3 млн теңге үнемделген. Үнемделген қаражат өзге тауарларды сатып алуға бағытталатын болады. 

Антикор 2022 жылғы көрсеткіш бойынша 425 млн теңге бюджет үнемделгенін, ал осы жылдың басынан бері 205 млн теңге үнемделгенін жазды.

Айта кетейік, мемлекеттік сатып алу мониторингі бюджет қаражатын тиімсіз пайдаланудың алдын алу құралының бірі болып табылады. Оның негізгі міндеті – жоспарлау кезінде тауарлардың нарықтық құнын сақтап, бағаны негізсіз көтеруді болдырмау.

Бұған дейін Ұлытау ауданы Сәтбаев қаласындағы мектептердің бірінде бір банка бояуды 2 миллион теңгеге жуық қаржыға сатып алмақшы болғандар әшкереленгені туралы жазған болатынбыз.

Мақаланың түпнұсқасы: https://kaz.nur.kz/society/2021103-sygys-qazaqstan-oblysynda-samamen-2-million-tengege-svabra-satyp-almaq-bolgan/

pixel