"30 градус ыстық, жауын-шашынсыз": бүгін Қазақстанның мегаполистерінде ауа райы қандай болады

Синоптиктер бүгін, 27 мамырда еліміздің үш ірі қаласында да жауын-шашынсыз ауа райы болады деп болжады. Бүгінгі ауа райы болжамы "Қазгидромет" РМК ресми сайтында жарияланды.

Метеорологтардың мәліметінше, бүгін Астанада жауын-шашынсыз ауа райы күтіліп, күн ашық болады. Күндіз термометр бағаны +21...+23 градусты көрсетсе, түнде ауа температурасы +7...+9 градусқа дейін төмендейді. Желдің жылдамдығы 7-12 м/с жетеді деп болжанған.

Сенбі Алматыда ауа райы көшпелі бұлтты, алайда жаңбыр жаумайды. Оңтүстік астанада ауа температурасы күндіз +24...+26 градусқа жоғарыласа, түнде +11...+13 градусқа дейін төмендейді. Желдің жылдамдығы 3-8 м/с дейін жетеді.

Синоптиктер 27 мамыр Шымкентте көшпелі бұлт шыққанмен, жауын-шашынсыз ауа райы болатынын болжады. Күндіз ауа температурасы +28...+30 градусқа дейін көтерілсе, түнде ауа температурасы +14...+16 градусқа дейін төмендейді. Желдің жылдамдығы 8-13 м/с деңгейінде болады.

Мәтіннен қате тапсаңыз, бізге жазыңыз