Алматыда найзағай, Шымкентте аптап ыстық: жексенбіде мегаполистерде ауа райы қандай болады

Жексенбі, 28 мамырда Астана мен Шымкентте күн ашық болады, Алматыда дауылдық ескерту жарияланды. Ағымдағы ауа райы болжамы "Қазгидромет" РМК ресми сайтында жарияланған.

Синоптиктердің болжауынша, Алматыда бүгін күндіз 22-24 градус ыстық болады, түнде ауа температурасы 10-12 градусқа дейін төмендейді. Сондай-ақ қалада найзағай ойнап, екпіні секундына 15-20 метрге жететін қатты желге байланысты дауылдық ескерту жарияланды.

Астанада бүгін жауын-шашын күтілмейді, күндіз термометрлер 22-24 градусқа дейін көтерілсе, түнде 10-12 градусқа дейін төмендейді. Елордада желдің жылдамдығы 3-8 м/с болады.

Шымкентте синоптиктердің болжауынша жауын-шашынсыз ыстық ауа райы күтіледі. Күндіз 29-31 градус ыстық, түнде 15-17 градус жылы. Желдің жылдамдығы 8-13 м/с.