Алматыдағы аудандардың біріндегі үйлер суық судан ажыратылады

Алматыдағы Алмалы ауданында бірқатар үй суық судан уақытша ажыратылады. Бұл туралы қала әкімдігі Telegram-дағы ресми арнасында хабарланды, деп жазады KAZ.NUR.KZ.

"Алматы Су" МКК мәліметінше, сумен жабдықтау желілеріндегі жоспарлы жұмыстарға байланысты Алмалы ауданында суық су жергілікті түрде ажыратылады.

"8 маусым күні сағат 9:00-ден 20:00-ге дейін Тілендиев – Райымбек – Розыбакиев – Дүйсенов көшелерінің контурында орналасқан тұрғын үйлер мен өзге де ғимараттарға суық су беру уақытша тоқтатылады", - делінген ресми хабарламада.

Осы ретте, әкімдік уақытша келтірілген қолайсыздықтар үшін қала тұрғындарынан кешірім сұрады.

Мәтіннен қате тапсаңыз, бізге жазыңыз