Алматыдағы аудандардың бірінде үш апта бойы ыстық су болмайды

Алматының Наурызбай ауданындағы бірқатар ғимарат пен тұрғын үй үш аптаға жуық уақыт бойы ыстық судан уақытша ажыратылады. Бұл туралы KAZ.NUR.KZ "Алматы жылу желілері" ЖШС сілтеме жасап хабарлайды.

Алматы жылу желілері" ЖШС мәліметінше, 2023 жылғы 12-29 маусымы аралығында Наурызбай ауданы аумағында Жуалы – Райымбек – Алтын Орда – Медеубеков көшелерінің жиегінде орналасқан тұрғын үйлер мен басқа да ғимараттарға ыстық су берілмейді.

"Алматытеплокоммунэнерго" ЖШС балансындағы "Премьера" қазандығында жоспарлы жөндеу жұмыстарын жүргізуге байланысты шектеулер енгізілді"- деп хабарлады "Алматы жылу желілері" ЖШС өкілдері.

Еске салайық, бұған дейін Алматыда Алмалы ауданындағы бірқатар үйде суық су өшірілгенін хабарлаған едік.

Мәтіннен қате тапсаңыз, бізге жазыңыз