Қатты жауын-шашын, 40 градус ыстық: алдағы күндері елімізде қандай ауа райы күтіледі

Синоптиктер алдағы күндері, 13-15 маусымға арналған ауа райы болжамын ұсынды. Бұл туралы KAZ.NUR.KZ "Қазгидромет" РМК ресми сайтына сілтеме жасап хабарлайды.

Метеорологтар мәліметінше, Қазақстанның басым бөлігінде атмосфералық фронтальды бөлімдердің ықпалымен өткінші жаңбыр жауып, найзағай ойнайды.

14 маусымда еліміздің оңтүстік-шығысында қатты жаңбыр, бұршақ, оңтүстігінде және оңтүстік-батысында шаңды дауыл тұруы ықтимал.

Синоптиктер солтүстік және шығыс аймақтарда температураның қысқа мерзімге төмендеуін болжады. Аталған аймақтарда ауа температурасы түнде +5...+15 градусқа дейін төмендесе, күндізгі уақытта +17...+25 градусқа дейін төмендеуі күтілуде.

Бөдан бөлек, мамандар еліміздің батысында 13-14 маусымда күндіз ауа райы өте қатты ыстық болады деп болжады. Батыс аймаөтарда ауа температурасы +40...+41 градусқа дейін жоғарылайды деп күтілуде.