Мереке күндері ХҚКО-лар мен МХҚО-лар қалай жұмыс істейді

Алдағы келе жатқан Құрбан айт пен Астана күні мерекелеріне байланысты Халыққа қызме көрсету орталықтары мен мамандандырылған халыққа қызме көрсету орталықтары қалай жұмыс істейтіні белгілі болды. Бұл туралы "Азаматтарға арналған үкімет" КЕАҚ баспасөз қызметі хабарлады.

"2023 жылғы 28 маусым мен 6 шілде күндері Қазақстанның ХҚКО-лары мен мамандандырылған ХҚКО-лары Құрбан Айт пен Астана күні мерекелеріне байланысты жұмыс істемейді", – делінген хабарламада.

Бұл ретте кезекші ХҚКО-лар мен МХҚО-лардың қызметкерлері 7 және 8 шілдеде азаматтарды сағат 13:00-ге дейін қабылдайды.

Ал 1 шілдеде еліміздің мамандандырылған ХҚКО-лары және Халыққа қызмет көрсету орталықтары үшін жұмыс күні болып есептеледі. Осы күні ХҚКО-лар 18:00-ге дейін, ал МХҚО-лар 20:30-ға дейін жұмыс істейді.

Айта кетейік, қазіргі уақытта шетелдік автокөлікті заңдастыруға болатын еліміздің МХҚО-лары күшейтілген жұмыс режиміне көшті. Олар азаматтарды 1 шілдеге дейін жұмыс күндері сағат 9:00-ден 19:00-ге дейін (құжаттарды беру – 20:30-ға дейін), сенбі күні 9:00-ден 18:00-ге дейін (құжаттарды беру – 19:30-ға дейін) қабылдайды.