Елімізде Астана есімді қанша адам бар

Ертең, 6 шілде - Астана күні. Осыған байланысты KAZ.NUR.KZ тілшісі Ұлттық статистика бюросына сілтеме жасай отырып, елімізде елордамен аттас азамат бар екенін анықтады.

Ұлттық статистика бюросының мәліметінше, елімізде елордамыз – Астанамен аттас 26 азамат тұрады екен.

Сонымен қатар 31 қазақстандықтың есімі Бәйтерек болса, төрт азаматтың аты – Ақорда. Бюроның дерегінше, елімізде сондай-ақ Бейбітшілік есімді үш адам тұрады.

Еске сала кетейік, Астана күні 6 шілде, бейсенбіге сәйкес келіп тұр.

"Электрондық үкімет" порталында жарияланған мереке және демалыс күндерінің күнтізбесіне сәйкес, демалыс күні 1 шілде сенбіден 7 шілде жұмаға ауыстырылғаны туралы жазған едік.

Осылайша сенбі, 1 шілде жұмыс күні болса, одан кейін ел тұрғындары төрт күн қатарынан – 6-9 шілде аралығында демалады.

Сондай-ақ Қазақстан бойынша Астана күніне орай бірқатар іс-шара ұйымдастырылуда.