Мереке күндері Қазақстанда ауа райы қандай болады

"Қазгидромет" РМК мамандары мереке күндері, яғни 6-8 шілде күндері елімізде ауа райы қандай болатынын болжады, деп хабарлайды KAZ.NUR.KZ.

Синоптиктердің болжауынша, алдағы мереке күндері республика аумағының басым бөлігінде ауа райының тұрақсыз сипаты сақталады. Осыған байланысты жаңбыр жауады, найзағай мен екпінді жел күтіледі.

6-7 шілде күндері орталықта, оңтүстік-шығыста нөсер жаңбыр жауса, 6-8 шілдеде еліміздің солтүстігі мен шығысында күндіз бұршақ жаууы мүмкін.

Еліміздің батысында ғана ауа райы жауын-шашынсыз болмақ.

Батыста, оңтүстікте күндізгі температура біртіндеп жоғарылап, аптап ыстық болады, яғни +33...+42 градусқа дейін көтеріледі. Ал солтүстік-батыста және орталықта +22...+ 35 градус, солтүстікте +23...+30 градус, шығыста және оңтүстік-шығыста +20...+30 градус жылы болажы деп болжануда.