Әуе компаниясы Астана халықаралық әуежайында жолаушылар жиналуы мүмкін екенін ескертті

Бүгін Астана халықаралық әуежайында ұшу-қону жолағын жөндеу жұмыстары басталды, осыған байланысты Air Astana Telegram-дағы ресми арнасында жолаушыларға үндеу жасады.

Әуе компаниясы хабарлағандай, Астана халықаралық әуежайында 15 шілде мен 8 тамыз аралығында ұшу-қону жолағында жыл сайынғы жөндеу жұмыстары жүргізіледі. Жұмыс уақыты: күн сайын 11:00-ден 18:00-ге дейін.

"Осы кезеңде біз жолаушыларды әуежайға ерте келуін және тіркеуден алдын-ала өтуін сұраймыз. Ұшу кестесін түзетуден туындаған жолаушылар ағынының ұлғаюына байланысты әуежайда жолаушылар кептелісі болуы ықтимал, – делінген әуе компаниясының хабарламасында.

Жолаушыларға ұшар алдында әуе компаниясының сайтында рейстердің жағдайы туралы ақпаратты тексеруді сұрады.