Бүгін ел аумағында 41 градусқа дейін аптап ыстық күтіледі

Синоптиктер 17 шілдеде елімізде ауа райы қандай болатынын болжады. Дүйсенбіге арналған ауа райы туралы мәлімет "Қазгидромет" РМК сайтында жарияланды.

Метеорологтардың мәліметінше, атмосфералық фронтальды бөліктердің әсерінен бүгін Қазақстанның батысында, солтүстігінде, оңтүстігінде құбылмалы ауа райы сақталады, яғни, кей жерлерде жаңбыр, бұршақ жауып, найзағай ойнап, дауыл күтіледі.

Ал елдің қалған өңірлерінде күн жауын-шашынсыз болады.

Сондай-ақ бүгін республика бойынша жел күшейіп, түнде еліміздің солтүстік-шығысында тұман күтіледі.

Сонымен қатар бүгін күндіз Ақмола, Жамбыл, Алматы, Қызылорда облыстарында, Абай, Шығыс Қазақстан, Қарағанды облыстарының оңтүстігінде, Ұлытау облысының солтүстігінде, орталығында, Түркістан облысының батысында және шөлді аудандарында 35-41 градусқа дейін қатты ыстық болмақ.

Ал Түркістан, Алматы, Шығыс Қазақстан, Павлодар, Қарағанды, Қызылорда, Жамбыл, Маңғыстау, Ақмола, Солтүстік Қазақстан, Ұлытау, Абай, Жетісу облыстарында, Ақтөбе облысының оңтүстігінде, оңтүстік-шығысында, Қостанай облысының оңтүстігінде, Атырау облысының батысында, шығысында өрт шығу қаупі сақталады.