Ерлікпен қаза тапқан өрт сөндіруші Асқар Забикулин туралы телесериал қыркүйекте көрсетіледі

Өрт сөндіруші Асқар Забикулин туралы "Қаһарман" деген атпен түсірелетін телесериал қыркүйекте "Астана" арнасынан көрсетіледі. Бұл туралы Ақпарат және қоғамдық даму министрлігі Instagram-дағы парақшасында хабарлады.

“Соңғы кездері елімізде сериал өндірісі, креативті индустрия дамып жатқаны белгілі. Бізде түсірілген сериалдарды шетелдік арналарға сатып алуда.

Сондай фильмнің бірі –қарапайым да адал еңбек адамын суреттейтін "Қаhарман" атты телеөнім. Өрт кезінде опат болған батыр бейнесін насихаттайтын сериалдың сюжеті шынайы оқиғаларға негізделген –халық қаһарманы Асқар Забикулин туралы. Бас кейіпкері - өткен жылы ғана алаумен арпалысып, үш адамның өмірін құтқарған, өкінішке орай, өзі ажал құшқан өрт сөндіруші Асқар Забикуллин", - деді министр.

Министр Астана қаласындағы түсірілім алаңына барып, шығармашылық топпен кездескенін атап өтті. Сонымен қатар Асқар Забикулиннің әйелі - Анель және қыздарымен әсерлі әңгіме болғанын айтты.

Ведомство мәліметінше, телесериал қыркүйек айында "Астана" телеарнасында көрсетіледі.