"Шымбұлақ" селден кейінгі қалпына келтіру жұмыстарына байланысты уақытша жабылды

Дүйсенбіде, 24 шілдеде "Шымбұлақ" тау курорты қонақтар үшін жабық болады. Демалыс орны селден кейін санитарлық тазалау жұмыстарын жүргізуге жабылған. Бұл туралы Шымбұлақ тау курортының Instagram-дағы ресми парақшасында хабарланды.

Тау курорты әкімшілігінің хабарлауынша, 21 шілдеде Тұйық-Су Альпі лагері аймағында Шағын Алматы өзенінде жаяу жүргіншілерге арналған көпірдің қирауына және су тарту жүйесінің істен шығуына әкелген сел өтті. Соның салдарынан Шымбұлаққа су беру тоқтатылды.

"Біздің мамандар су қабылдағыш станцияны лай массалары мен тау жыныстарынан тазарту бойынша белсенді жұмыс істеуде. Келтірілген қолайсыздықтар үшін шын жүректен кешірім сұраймыз және түсіністікпен қарағаныңыз үшін алғыс айтамыз", - делінген хабарламада.

Алматы қаласы Төтенше жағдайлар департаментінің мәліметінше, ауа температурасының көтерілуіне және мұздықтардың еруіне байланысты Кіші Алматы шатқалының сағасындағы су деңгейі көтеріліп, ішуге жарамсыз лас судың пайда болуына әкеп соғуда.

Сонымен қатар Алматы тауларында жағдай тұрақты және Төтенше жағдайлар департаментінің бақылауында. Ведомство қазіргі уақытта мореналық көлдердің тасу қаупі жоқ екенін хабарлады.

"Өзіңізге қамқор болыңыз және қауіпсіз жерде болыңыз. Осы мәселелер шешілгеннен кейін сізді курортымызда қайта күтеміз", - деді курорт әкімшілігі.

Мәтіннен қате тапсаңыз, бізге жазыңыз