"Тікұшақ тартылды": Каспий теңізінде жоғалып кеткен үш қыз іздестірілуде
Опубликовано:
Маңғыстау облысында құтқарушылар Каспий теңізінде жоғалып кеткен үш қызды іздестіруде. Бұл туралы облыстық ТЖД Instagram парақшасында хабарлады.
Белгілі болғандай, қыздар Ақтау қаласынан 51 шақырым жерде үрмелі матрацты пайдаланып, ашық теңізге түскен. Олар отырған үрмелі матрацты теңіз толқыны алып кеткен.
ТЖД мәліметінше, қыздарды құтқару жұмыстарына алдымен ТЖД, ҰҚК ШҚ, ПД күштері жұмылдырылған. Кейін іздестіру жұмыстарына Қазавиақұтқару тікұшағы тартылған.
ТЖД іздеу жұмыстарының нәтижесі қосымша хабарланатынын атап өтті.
Айта кетейік, 21 шілде күні Ақтөбе облысында үш жасөспірім қыз Ырғыз өзеніне батып кеткен еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2029915-kaspii-tenizinde-zogalyp-ketken-us-qyz-izdestirilude/