Алматыдағы Райымбек даңғылында көлік қозғалысы бір айға ішінара шектеледі

Алматы қаласындағы Райымбек даңғылында көлік қозғалысы бір айға ішінара шектеледі. Бұл туралы KAZ.NUR.KZ "Алматы жылу жүйесі" компаниясының баспасөз қызметіне сілтеме жасап хабарлайды.

"28 шілде сағат 22.00-ден 27 тамыз аралығында Алматы қаласының Жетісу ауданында Райымбек даңғылы бойынша Байзақов көшесінен Казаков көшесіне дейін батыс бағытта автокөлік қозғалысы шектеледі", – делінген хабарламада.

"Алматы жылу жүйесі" компаниясының мәліметінше, уақытша шектеулер аталған жол сегментінің жүріс бөлігінің астынан өтетін құбыржолдарда жоспарлы жұмыстарды жүргізу кезінде қауіпсіздікті қамтамасыз ету үшін енгізіліп отыр.

"Қолайсыздықтарға түсіністікпен қарауды және көрсетілген учаскені айналып өту жолдарын алдын ала қарастыруды сұраймыз", – дейді компания өкілдері.

Мәтіннен қате тапсаңыз, бізге жазыңыз