Елімізде ғылыми дәрежесі бар ғалымдарға үстемеақы төленеді

Ғылым және жоғары білім министрлігі 2024 жылдан бастап ғалымдардың лауазымдық жалақысы тағы да көтеріліп, ғылыми атағы бар ғылыми қызметкерлерге үстемеақы мөлшері артатынын мәлімдеді. Бұл туралы ведомство ресми сайтында хабарлады.

Ведомство мәліметінше, 2023 жылдың 1 қаңтарында ғылыми ұйымдар қызметкерлерінің лауазымдық жалақысы 18 пайызға артты.

2024 жылдың 1 қаңтарынан тағы 18 пайызға, ал 2025 жылдың 1 қаңтарынан 17 пайызға көбейетін болады.

"Қазақстан Республикасының ғылым мәселелері жөніндегі кейбір заңнамалық актілеріне өзгертулер мен толықтырулар енгізу туралы" заң жобасында көзделген норма аясында ғылыми атағы бар ғылыми қызметкерлерге үстемеақы мөлшерін арттыру көзделген", - делінген хабарламада.

Министрдік ақпаратынша, биылдан бастап ғылыми атақ болған кезде мынадай мөлшерде үстемеақы белгілеу көзделіп отыр:

• Ғылым кандидаты, философия докторы және бейіні бойынша доктор ғылыми дәрежесі бар қауымдастырылған профессор үшін 25 еселенген АЕК (бұрын 17 АЕК);
• Ғылым докторы ғылыми дәрежесі бар қауымдастырылған профессор үшін 42 еселенген АЕК (бұрын 34 АЕК);
• Ғылым кандидаты, философия докторы, бейіні бойынша доктор, ғылым докторы ғылыми дәрежесі бар профессор үшін 50 еселенген АЕК (бұрын 17 АЕК).

Ведомство үстемеақылар тиісті диплом немесе білім туралы құжатты тану туралы куәлік болған жағдайда негізгі жұмыс орны бойынша жүзеге асырылатынын атап өтті.

Мәтіннен қате тапсаңыз, бізге жазыңыз