Каспийде үрмелі матраспен теңіз жағалауынан алысқа ұзап кеткен қыздардың ағасы жауапқа тартылды

Төтенше жағдайлар министрлігі Азаматтық қорғаныс комитетінің аға офицері Ерасыл Сайпаш Каспий теңізінде үрмелі матраспен жағалаудан ұзап кеткен үш қыздың оқиғасына қатысты пікір білдірді, деп хабарлайды KAZ.NUR.KZ тілшісі.

Журналистер Каспий теңізіне үрмелі матрасқа мінген үш қыздың жағалаудан ұзап кету оқиғасы бойынша тәртіп бұзушыларға қандай шара қолданылатынын сұрады.

"Қыздардың ағасы балаларды қараусыз қалдырғаны үшін 412 бап бойынша әкімшілік жауапкершілікке тартылды", - деп жауап берді Ерасыл Сайпаш.

Оның үстіне, оның айтуынша, полиция жалған ақпарат тарату ісін қарастырып жатыр.

"Олардың әкімшілік кінәсі дәлелденсе, олар да әкімшілік жауапкершілікке тартылады", - деді ол.

Еске салайық, өткен аптада Ақтаудан 51 шақырым жерде үш қыз үрмелі матраспен бірге жағалаудан ұзап кеткен. Оларды іздеумен әуелі Төтенше жағдайлар департаменті, ҰҚК Шекара қызметі және полиция департаменті қызметкерлері айналысты. Кейін бұл іздеу шараларына "Қазавиақұтқару" тікұшағы тартылды.

Кейін Маңғыстау облысының Төтенше жағдайлар департаменті іздеу жұмыстарының аяқталғанын хабарлады. Үш қызды 25 шілде күні таңертең "Қазақтеңізкөлікфлоты" ЖШС-на тиесілі "Сұңқар" кемесінің экипажы жағалаудан 22 шақырым қашықтықта теңізден тапты. Қыздардың жағдайы тұрақты болды.

Артынша Маңғыстау облысындағы қыздардың құтқатылуы жөнінде толық мәлімет айтылды.

"25 шілде күні таңғы сағат 06:45-те жағалаудан 22 шақырым жерде іздеу-құтқару жұмыстары барысында капитан Никитиннің басқаруындағы "Сұңқар" кемесінің экипажы 2006 жылы туған екі қыз бен 2004 жылы туған бір қызды тауып алып, құтқарды", - деді "Қазтеңізкөлікфлоты" өкілдері.