Top.Mail.Ru

Сайт нұсқасы

ru kz

Зектілері

"2050 жылы осылай болмақ": қоқыс полигонында жасалған үйлену тойының фотосессиясы желіде қызу талқыға түсті

Опубликовано:

Жұбайлар
Жұбайлар. Фото: instagram.com/saliyevnurken

Ақтау қоқыс полигонында жасалған фотосессия көпшілікті ойландырып қойды. Маңғыстау облысының фотографы және экологы, ағайынды Нұрбол және Нүркен Салиевтер үйлену тойының ерекше фотосессиясын Instagram парақшасында жариялаған, деп жазады KAZ.NUR.KZ.

"Ақтау 2050. Достар, қазіргі таңда экологиялық мәселе тек қана бір ауылда, қалада немесе елде емес. Бұл бүкіл жер ғаламшарындағы ең ауқымды мәселе.

Жаһандық даму бәрімізге полиэтилен пакет секілді өмірімізді жеңілдететін затты қолдануға мүмкіндік берді. Алайда, таяқтың екінші басы өзімізге тиіп жатыр", - деп жазды Нұрбол Сали есімді фотограф.

Жұбайлар
Жұбайлар. Фото: instagram.com/nurbol_sali

Сонымен қатар ол қоқыс мәселесін әр адам өзінен бастап, тазалық сақтауы керектігін атап өтті.

Жұбайлар
Жұбайлар. Фото: instagram.com/nurbol_sali

"Неліктен біз патриот емеспіз? Неге біз шынайы өз отанын, елін, жерін сүйетін азамат болып, өзімізден қалған қоқысты жинамаймыз? Неге кінәні өзгеден іздейміз? Экомәдениетті қалыптастыру үкіметтің ғана жұмысы емес. Әр адам өз үйінен, өз отбасынан бастаса, үйіміз де, еліміз де , жеріміз де тап-таза болады ғой. Осы фотосессия бәрімізге сабақ болсын деп Жаратушыдан тіледім.

Жерімізді қоқыстан таза ұстау үшін , өзіміз қоқыс болмайық, Әйтпесе, сонша айтқан 2050 жыл осылай болмақ", - деп жазды Нұрбол Сали.

Жұбайлар
Жұбайлар. Фото: instagram.com/nurbol_sali

Желі қолданушылары да ақтаулық фотографтың бұл жазбасымен келісетінін жарыса жазды.

Жұбайлар
Жұбайлар. Фото: instagram.com/nurbol_sali

"Өте дұрыс жаздыңыз", "Осындай фотосессияны теңіз жағасында жасасаңыз дұрыс болатын еді", "Бәрі өзімізден басталады", "Керемет", "Әлемдік мәселені жақсы көрсеттіңіз", - деп жазды желідегілер.

Жұбайлар
Жұбайлар. Фото: instagram.com/nurbol_sali

Мақаланың түпнұсқасы: https://kaz.nur.kz/society/2031110-2050-zyly-osylai-bolmaq-uilenu-toiynyn-erekse-fotosessiyasy-zelide-qyzu-talqyga-tusti/